هذا اللي حصل لي اليوم

#1 2009-08-20, 07:18 AM

في قصة حصلت لي اليوم ودي أقولها لكم ,, لاني استفدت منها واتمنى إن غيري يستفيد منها .

قبل كم يوم قدمت على وظيفة جديدة في احدى الشركات وسوولي مقابلة شخصية , وبصراحة كانت الوظيفة مفصلة تفصيل لظروفي ووضعي , بس كانت في اوراق ناقصة ما سلمتها للشركة ,, فقالوا لي ضروري تجيبها هذا الأسبوع ,, فقلت إن شاء الله ولا يهمكم ,,

المهم قمت اليوم الساعة 11 على أساس أروح أودي الاوراق الناقصة ,, ركبت السيارة ودقيت السويتش ما رضيت تشتغل !!! قلت حرام عليك مو وقته هذي الحركات ,, قالت إلا وقته !! قلت طيب أوريك ,, رميت الشماغ والعقال وقلت باسم الله ,, وانواع الدف بعز القايلة الله يعزكم ,, وكل ماركبتها وجيت انتعها مافي فايدة .

جلست ادف واركب وادف واركب لين التهبت يدي والله من حديد السيارة ,,,

اللي قاهرني في الموضوع اني من يوم ما بديت بالدف كان في باكستاني جالس يعبي موية في ترمس من البرادة اللي عند المسجد ويشرب موية باردة قدامي ويطالع فيني بشماته ,, المشكلة انه يصلي معنا في المسجد ,, ودايما أصلي جنبه ,, يعني يعرفني !!

عاد قلت في نفسي والله يبطي أقوله ساعدني ,, أصلا لو فيه ذرة رجوله ,, أو نخوة ,, كان جا من نفسه وساعدني مو يجلس يتمزمز بالموية الباردة قدامي ,,

المهم حاولت لين تعبت بعد مادفيت حوالي 300 متر ,, ووقفت السيارة عند بيت ,, وجلست انتظر أي سيارة تجي تنقذني وتدفني ..

شوي إلا الباكستاني جا ودخل في البيت اللي قدامي وجالس يطلع بلك من البيت ويرميها بالشارع ,, يوم شافني أطالع فيه بحقد وقف وقال بكل برود ( اشفي يبغى مساعدة ؟ ) نفخت عليه وقلت له : لالا ارتاح وروح نام بس ,, قال ايش ؟؟ صرخت عليه وقلت : أقول طس ورووووح نااااام ,, طالع فيني بنص عين وراح ,, والله لو طول زيادة كان صحت ورحت نطيت عليه زي سنوكا ,, مع إن يده اكبر من راسي ويقدر يكسر فيها صبة ! يعني مهو عاجز يكسر مخي !! بس من الغبنة اللي في قلبي كنت مستعد اسوي أي شي بذاك الوقت ,, المهم عشان ما أطول عليكم ,, جلست انتظر عشر دقايق تقريبا ,, ما مرت ولا سيارة !! معقوول وين عايشين !! بصحراء !!

بعد ماطال انتظاري فتحت كبوت السيارة وجلست اسوي فيها مهندس عشان كله ولا يشمت فيني الباكستاني ,, والله اني جالس ادعي عليه واقول يارب حطه بموقف اكبر من هذا ولا يلقى أحد يساعده ,,,

شوي إلا يمر لك صعيدي على دينا كبيرة صدامها حديد مصدي ,, ومو أي حديد ,, قلت والله لأوقفه ولو كان معه تريلا ,,

المهم وقفته وقلت له : ممكن زئة بالله ,, مع اني كنت اتمنى انه ينزل ,, ويتنازل يدف بيده معي لان والله صدامة مرعب يا ناس ,, قال طيب ,, ويشخطلك الرويس ويجيك طاااااير ,,,,, والله أنا حطيت يدي على راسي وجالس اقول اللهم اني لا أسألك رد القضاء ,, ولكني أسئلك اللطف فيه

والله إن الصدام الخلفي طلع اخس من صدامه المصدي بعد الزئة هذي ,, نزلت له ,, وقلت له : ياخي حرام عليك وش سويت ؟؟ قال بكل برود وبرائة : أزئك !!! قلت أقول : اتوكل على الله لاتزئني ولا ازئك ,, قال : برحتك ,,
بعدها جلست على بلكة وجلست استرجع ذاكرتي المصدية !! وقلت أنا ايش سويت ذي اليومين عشان يسير فيني كذا ؟ وجالس اتذكر أي ذنب سويته ,, وبالفعل تذكرت ذنوب مو ذنب واحد بس وقلت : يالله تكفير إن شاء الله ,,

المهم وقفت عند الصدام شوي وجلست اتحسر على حالته واقول : توبه معد أقول لصعيدي ابغى زئة , وقلت الله يعيني على مشوار الصناعية اليوم

بالأخير قمت وقلت بلا وظيفة جديدة بلا بطيخ , بكرة وخير ,, يمكنها خيرة ,, ودفيتها على جنب ورحت للبيت ,,

بعد ماصليت الظهر جلست اتفرج على التلفزيون واقلب بالمحطات ,, شوي إلا الجوال يدق ,, طالعت بالرقم شفته رقم ثابت غريب ,, قلت بس شكلها الشركة والله ,, وبالفعل طلعت الشركة ,, ألو .. ألوو .. السلام عليكم .. وعليكم السلام .. الأخ آدم .. قلت ايه معك .. قالي بالنسبة للوظيفة اللي قدمت عليها قبل يومين ترى قبلناك فيها ,, وماله داعي تجيب الأوراق الناقصة اللي طلبناها , قلت لا ياشيخ ؟؟ سكت شوي وقال ببرود : أنا أعرفك الحين عشان أمزح معك ؟ قلت من الحين هذا اسلوبكم ,, قال باستغراب لا بس اقولك قبلناك تقولي لا يشيخ !! قلت والله هذي الكلمة دايم على لساني ,, قال على العموم تعالنا بكرة عشان نبيك تعبي كم استمارة ,, قلت انشاء الله ,, قال مع السلامة ,,

الزبدة اني ذكرت هذي القصة لعدت أسباب , أولها : إن الناس أشكال وأصناف ولازم نتوقع أي شيء منهم .

ثانيها : إن كثير من الأجانب والباكستانيين – بدون تعميم - ناس حاقدة على السعوديين ككل ,, لأن الباكستاني إللي اليوم حسيت من تصرفه أنه يقول لي في نفسه : ذووق شوي من اللي حنا نذوقه تحت الشمس كل يوم !!

الثالثة وهي أهم فايدة : لازم نتعلم اننا ما نسخط أو نقنط على أي شيء سيء يحصلنا ,, وإنه كل شي مكتوب لك بيجيك ,, وما في شي راح يمنعه سواء كان خير أو شر ,

الرابعة : رب ضارة نافعة

الخامسة : لا تتعامل مع صعيدي

2010-09-02, 06:33 AM

يعطيك العافية

لك التحية والتقدير،،،

قائمة الوصول السريع
رمزيات	مشاهد للمسن	ماري تشوي	2012	غرائب الصور	خلفيات بلاك بيري بنات
هدايا	فيسات مضحكه	غرف نوم 2012	رمزيات طويله	تصوير احترافي	العاب ايبود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: هذا اللي حصل لي اليوم
الموضوع	كاتب الموضوع	المنتدى	مشاركات	آخر مشاركة
اللي يوصل عند رقم 7 يرش عطر في عين العضو اللي يبغاه	ملاك الروح	المسابقات والالعاب	53	2012-01-21 10:12 PM
اللي يبي يضحك يدخل يشوف السعوديه اللي عايشه بأمريكاا	عزيز النفس	الوناسه والفرفشه	3	2011-11-12 07:18 PM
اخذت اليوم فيرس هكر اليوم من هنا فارجو الحل	عزيز النفس	برامج الكمبيوتر , البرامج	0	2010-11-09 02:10 PM
جميع مفاتيح كاسبر سكاى (kis/kav) بتاريخ اليوم لكل النسخ بتاريخ اليوم 2010/11/7	عزيز النفس	برامج الكمبيوتر , البرامج	0	2010-11-07 05:22 AM
الله عليك يا التويجري مافك حسين لين ماكرهه في اليوم اللي انتقل فيه	مها الرياض	الرياضة العربية والعالمية	0	2009-08-07 05:25 AM

اهم كلمات البحث
شات صوتي	دردشة صوتية	شات صوتى	صوتية سعودية	صوتي سعودي	صوتي ون
محادثة صوتية	دردشه صوتيه	دردشة سعودية	شات سعودي	الشات الصوتي	شات صوتية

الذين يشاهدون محتوى الموضوع الآن : 1 ( الأعضاء 0 والزوار 1)

هذا اللي حصل لي اليوم

منتدى العامة