 |
|
|
|
قائمة الوصول السريع | |||||||
الرجوع إلى / شات صوتي
المنتدى يمنع منعا باتا كتابة المواضيع المكررة ونسخ لصق مواضيع من منتديات أخرى بنفس المحتوى وسيتم حظر وحذف مواضيع العضو المخالف - كما نشجع الجميع لكتابة المواضيع الحصرية والجديدة للحفاظ على جودة محتوى الموقع - الإدارة
|
|||||||
| منتدى العامة مواضيع عامه , مقالات عامة , معلومات حيويه ,منتدى العامه |
 |
|
|
LinkBack | أدوات الموضوع | انواع عرض الموضوع |
|
#1
2009-08-20, 07:18 AM
|
|||||||||
|
|||||||||
صديقي وزواج المسيار
مريت قبل كم يوم عند واحد من الاصدقاء في مكتب العقار حقه , تقهوينا وجلسنا ندردش شوي , وبعدها قلت يالله عن اذنك انا بروح للبيت الحين , قال لي : دقيقة اجلس ابيك بموضوع , قلت خير ان شاء الله ؟ قال لا خير ان شاء الله , لكن أبيك توعدني انك ما تقول لأحد ؟ قلت له, الله يسامحك بس , يعني الى الحين ما تعرفني . قال : لا لكن الموضوع صراحة خطير وماودي حتى الجني الازرق يدري عنه . قلت له : ماعليك , انا قطعت علاقتي معه من زمان . قال : ياخي مو وقت تريقتك الحين . تعدلت في جلستي وقلت يالله انا جدي الحين . قال جدي ولا أمي , قلت الحين تقولي لا تتريق وانت اللي جالس تستخف دمك . قال خلاص بقولك يالله : وش رايك بزواج المسيار ؟ قلت : ليه ناويها يا معلم . قال : بصراحة أفكر بالموضوع تفكير جدي . قلت : طيب وش راي أم العيال . قال : شكلي بفلقك بالبيالة اللي جنبي , الحين أنا ما نويت المسيار الا عشان ما تدري أمل , بصراحة ما ابغى مشاكل ووجع راس , ولا ابي أمل تزعل , ويمكن لو درت اني بتزوج بتطلب الطلاق . قلت له : طيب ليش انت تفكر بالزواج من أصله ؟ يعني أمل مقصرة معك بشيء . قال : لا والله بالعكس قايمة بحقوقي ومدلعتني وما تقصر معي بأي شيء , لكن الدعوة كلها رغبة بالتجديد ! قلت : حلوة تجديد هذي , ليه بتشتري سيارة أنت ؟ قال : لا , بس الحين اللي يتزوجون على حريمهم وما عندهم أي سبب واضح , مثلا عندهم عيال , وحريمهم مو مقصرين معهم .. الخ , وش غرضهم ؟ قلت بصراحة مدري . قال : أنا أدري , في ناس يهوون إنهم يمتعون نفسهم بهذي الدنيا زيي , وخاصة من ناحية التعدد بالزوجات , ياخي الله سبحانه وتعالى قال المال والبنون زينة الحياة الدنيا !! قلت : لكن صدقني كل اللي يتزوجون وحدة ثانية يندمون . يعني مشاكل ووجع راس , وهذي تبي اغراض وهذي تبغى السوق , وهذي تبيك تسفرها .. الخ . قال : لا لكن المسيار غير . قلت طيب انت وش فكرتك عن المسيار ؟ قال : يا خي هو زواج مثل أي زواج ومستوفي الاركان والشروط , لكن الزوجة تتنازل عن بعض حقوقها برضاها , مثل المبيت أو السكن أو النفقة , يعني اتزوج وحدة على مزاجي واخليها في بيت أهلها , وقت ما أبيها أسير عليها . قلت كيف يعني وقت ما تبيها ؟ قال ياخي وقت ما أبيها !! لاتسوي فيها غشيم . قلت يعني وقت ما تبي تستمتع جنسيا قصدك ؟ قال : ايوووه وصلت . قلت وهذا تسميه زواج ؟ قال ياخي يكفي ان العلماء أحلوه . قلت : مو معقول !! مين العلماء أحله عندنا ؟ قال : يكفيك ان بن باز وال الشيخ أحلوه . قلت له : لالا مو معقول !! قال يعني العب عليك انا , ادخل قوقل وتأكد بنفسك . قلت له طيب بتصرف عليها ولا لا ؟ قال والله ماظنيت . شكلي بشوف لي مدرسة ولا أي وحدة موظفة وبتزوجها عشان أفتك من المصاريف . قلت : مع احترامي لك انت ما تستحي . قال الله يسامحك بس . قلت له : الحين فيه رجال بمعنى رجال مايصرف على زوجته ؟ قال : ياخي هو كذا المسيار . قلت طيب : انت بالله ما تحس ان فيها مهانة لزوجتك انك تدخل تستمتع وتطلع لا وفي بيت أهلها , وبعدين انت كيف ترضاها على نفسك , تدخل وتطلع كنك في فندق ( .. ) ؟ قال مو لازم في بيتها , أقدر آخذها بأي فندق !! قلت لا والله ماقصرت . طيب من الي بترضى بهذا الوضع ؟ قال كثيرين , خاصة المعنسات أو المطلقات اللي عندهم عيال , وبعدين العلماء أحلوه لأنه فيه عفة للرجل والمرأة في ذا الزمن اللي كله فتن . قلت : طيب والعدل وين راح , الله يقول فإن خفتم ألا تعدلوا فواحدة . قال : ياخي لا تجلس تسوي فيها مفتي , يعني انت احسن من باز , وآل الشيخ ؟ بعدين لا تنسى اني بساهم في حل مشكلة العنوسة !! قلت لا والله !! وش رايك تروح تفتح فرع لمكافحة العنوسة جنب مكتب العمل . بس عساك ما تفشل زي جارك القصيبي . قال :والله ليش لا , هذا هدف نبيل . قلت بلا نبيل بلا حسام , انا بقول لزوجتي تعلم زوجتك , قال لا تكفى الله يرحم والديك . قلت ياخي دامك منت قد هذا الشيء ليه تسويه ؟ يا إنك تتزوج زي العالم والناس ولا خلك مع زوجتك وعيالك احسن لك . قال : والله انا داري ان ماعندك سالفة , يالله توكل بس . قلت طيب تامر بشي ؟ قال ايه : لا تعلم أحد . ضحكت وقلت مع السلامة . والحين اتمنى أسمع رايكم بهذا الزواج , يعني تأيدونه أو لا , وياليت مع الأسباب .
|
|
2010-09-02, 06:26 AM
|
#2 |
|
.:: اداري مساعد ::.
  
|
رد: صديقي وزواج المسيار
يعطيك العافية
لك التحية والتقدير،،، |
|
|
| مواقع النشر (المفضلة) |
|
جديد مواضيع قسم منتدى العامة
| |||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
المواضيع المتشابهه للموضوع: صديقي وزواج المسيار
|
||||
| الموضوع | كاتب الموضوع | المنتدى | مشاركات | آخر مشاركة |
| انشودة لست وحدي يا صديقي لبلال الكبيسي...mp3 | خالد القحطاني | الجوال والاتصالات | 0 | 2011-03-04 02:11 AM |
| ايهما تفضل يا صديقي ؟ | الاشقر | نقاشات - حوارات | 6 | 2011-02-16 01:10 AM |
| مساعدة مشكلتي مع لاب توب صديقي ارجو امساعده | خالد القحطاني | الكمبيوتر والانتر نت | 0 | 2011-01-25 03:51 AM |
| طلب كراك PowerDVD الأصدار رقم 7 | حنــآن | برامج الكمبيوتر , البرامج | 0 | 2010-09-20 12:53 AM |
| هل قرار صديقي صائب | سهم عتيبة | منتدى العامة | 1 | 2010-09-02 06:27 AM |
|
اهم كلمات البحث | |||||||
العرض العادي
