تبي تشوف الضياع بصورته..؟شفني

تبي تشوف الضياع بصورته ..؟ شفني
شف يا(عيوني).. عيوني ..تعرف اوضاعي
*
من دون داعي ، تعانق دمعتي جفني
وشلون لا صار يوم وداعك الداعي؟!
*
( الجرح ) يعطش..؟ وانا الاوجاع تنزفني؟!
ما يعطش الجرح دام الساقي اوجاعي
*
تزرعني الريح بـ انفاسك .. وتقطفني
وآروح معها ، مثل ما روّح شراعي
*
هذي (ذراعي) إذا ..حبيت، تخطفني
تحضن ذراعي .. أو انك تلوي ذراعي!
*
ما دامني معك ، خل الظلم ينصفني!
كل ما تجيبه سماك.. تعيش به قاعي*
خذني لحن من ( زمان الصمت) واعزفني
وآصير انا الناي ..لا.. والذيب والراعي
*
ميل وتمايل قبل ما الدمع يذرفني
وان ضاقت الارض ، تحتك ... هذي اضلاعي
*
العب طرب فوق هذي العوج .. وارجفني
اطرب عيوني ،قبل لا تطرب اسماعي
*
وان شفتني آتساقط ..لا توقفني
واعيك ...(غافي حزن) يالغافي الواعي
*
اجهلك.. واعرف .. كثر ما اجهلك ..تعرفني
الحزن طبعي ..واشوفه أجمل اطباعي
*
الجرح يظما ؟ وانا الاوجاع تنزفني؟!
وشلون يظما وانا (الما) يشرب اوجاعي
مما راق لي

..........................................
مــــــــــنـــــــــــــقــــــــــــولــــــــــ ه