 |
|
|
|
قائمة الوصول السريع | |||||||
الرجوع إلى / شات صوتي
المنتدى يمنع منعا باتا كتابة المواضيع المكررة ونسخ لصق مواضيع من منتديات أخرى بنفس المحتوى وسيتم حظر وحذف مواضيع العضو المخالف - كما نشجع الجميع لكتابة المواضيع الحصرية والجديدة للحفاظ على جودة محتوى الموقع - الإدارة
|
|||||||
| قصص , روايات قصص , روايات , روايات ادبية , روايات بوليسية , روايات عالمية , قصص رومانسية , خيالية , حب , واقعيه |
 |
|
|
LinkBack | أدوات الموضوع | انواع عرض الموضوع |
|
#1
2010-08-27, 03:48 PM
|
|||||||||||||
|
|||||||||||||
كيكه زواجها من نآآآآر
كيكه زواجها من نآآآآر شوفوا معاي هالقصة الحقيقية وترى ابطالها حقيقيين واسمائهم حقيقية ( لاتنسون اقروا الملاحظة اللي بأخر القصة ) نبتدي( القصة ع لسان صديقة بطلة القصة ) ________ حصة/ هي بطلة هالقصة كان مقرر زواجها بـ 29 /1 / 2010 لكن قدر الله وما شاء فعل حقاً البنت طيبه بكل معنى الكلمة ومحبوبة حييل من كل اللي حواليها من الأهل والأصدقاء وفوق هذا جميله لكنها ما تتبهى بهالجمال بالمره وماشيه ع النيه .. حصة تعشق شي اسمه ( نت ) وتقريبا يومها كله يروح بالقعده ورى هالكومبيوتر وماشاءالله عليها بكل موقع تدخله تتميز وتاخذ رتبه تقريبا كل الرتب اخذتها مشرفه مراقبة اقسام مراقبه عامه وحتى الاداره باللي باللون ( الاحمر ) وهي ماشاءالله شعلة نشاط بكل هالمواقع ( لكن ) فيه واحد من هالمنتديات تحبه بشكل جنوني وناقعه فيه ليل مع نهار ومحبوبه من الكل فيه ولانها متميزه بشغله بهالمنتدى محد تميز فيها الا هي .....؟؟ المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها بهالشغله اللي تسويها وع هالحال لمدة سنتين لاتكل ولا تمل وطبعا ادارة هالمنتدى ماتقصر بمنحها الاوسمه والتشجيع المستمر اللي يخليها تناقز من الفرحه وتعطي اكثر .. المهم هالبنت تقرر زواجها بالتاريخ المذكور اعلاهـ .. وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوهـ فيه وهي معجبه فيه حييل المهم حضرت كل شي وفي كل روحه لها للتسوق تاخذ اعز صديقاتها وهم ......؟ وريم مع امها واختها خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص لها وغالي وااايد وكل يوم لازم تطل ع هالفستان >> وصرعت صديقاتها فيه دوختهم لدرجة وحده من صديقاتها قالت لها لعنبو ابليسج ليش تحسسيني انج عانس وماصدقتي تتزوجين وجع اركدي ع العموم قرب زواجها وقبل الزواج بإسبوع فقط ..؟؟ اقعدت من النوم وهي تصارخ وتبكي بشكل هستيري وكانت الساعه (2) الصبح وكان اصراخها عالي وع وصف اختها كان اصراخ مرعب وكأنها ( ملبوسه ) استمرت بـ الصراخ وامها وابوها واختها وزوجة اخوها يحاولون يسكتونها ويهدونها لكنها مستمره بشكل مخيف وكان ابوها يقول يابنت اهدي واقصري الصوت العالم الفجر لاتفضحينا وهي مستمره راحت اختها وكلمت أخوها اللي كان مداوم وقالت له السالفه وطبعا ترك شغله وجاء وهو مخترع من الوضع لما وصل اخوها وشاف شكلها الغريب بسرعه طلع من البيت وراح لإمام المسجد اللي كان يقيم بغرفه بالمسجد وجابه للبيت دخل الامام وشاف منظر البيت فقرب منها وبدأ يقرأ القرأن وكانت امها ماسكتها وترش عليها من الماي اللي مقري فيه وتغسل وجها بعد فتره هدت البنت وبدت تبكي بحرقه وتقول خلاص معاد ابي اتزوج خلاص هالزواج مافيه خير لي ولكم فـ استغرب الجميع من كلامها وقالت اختها زواجج بعد اسبوع بس قالت ولو ماراح اتزوج سألها الامام ليه يابنتي استهدي بالله وقولي لنا شاللي خلاج تقولين هالكلام وتتخذين هالقرار المفاجىء للجميع ... قالت شفت شي بمنامي خلاني التخذ هالقرار شفت اني لابسه ثوب زواجي وكنت بصالة الافراح وامشي بين الحضور وكنت فرحانه بس كنت احس الارض اللي تحتي مو مستويه وبغيت اطيح اكثر من مره بس كنت اتماسك قدام الناس علشان الفشله .. وصلت الكوشه وجلست بإنتظار العريس ولما وصل وبدأ يسلم ع خواته وامه وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب المهم جاء وقت تقطيع الكيكه ووقفنا ننتظر الكيكه ولما جابوها العاملين عليها كانت مغطاهـ بغطاء حلو ومبهر فقلت لاقرب الناس لي اختي وصديقاتي المقربات انتوا بالذات بذوقكم منها تعالو جنبي وهنيه اكشفوا عن الكيكه ولا هي كوره من نار حرارت لهبها يصلي الوجه ونور اضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي ريم وقالت تعالي قصيها ياحصة ليش خايفه قلت لها بس هذي نار قالت عادي الكيك متعدد الاشكال بس طعمه حلو ولاتنسين انج انتي اللي طلبتيها بهالشكل قلت لها متى ياريم وربي ماطلبتها تكون جذي قالت ريم امبلا ياحصة انتي طلبتيها وانا حذرتج من هالشكل وانتي صميتي اذونج عني استغربت من كلام ريم واخذت السكين وانا احس اني مغصوبه قطعة اول قطعه واخذتها بإيدي وكنت راح اعطيها زوجي لكن مالقيته التفت ادوره مالقيته فـ عطيتها ريم قالت شكرا ماابيها فـ مديتها لـ ----؟ فـ امسكتها لكنها احرقتها بإيدها ورمتها وهي تتألم ولما نظرت للي وراها لقيت طابور من الناس كلهم مادين ايديهم فـ فرحت قلت غريبه حبوها رغم انها تحرق وبديت اقطع لهم وياخذونها وهم يتألمون من حرارتها بعدها تعبت وانا اقطع والكيكه كل مانقصت زادت مره ثانيه والطوابير تزيد واللي يبون منها يزيدون وضليت ع هالحال ساعات طويله ومن التعب كنت ابكي انهكت ع الاخر وكل ماجات عيني بعين ريم بكيت اكثر وهي كانت تمسح دموعها صرخت وقلت ياريم تعبت متى تخلص هالكيكه قالت ريم تو الناس ياحصة باقي واايد وبدت حرارت النار تسيل مكياجي وتوسخ الفستان وكنت اعاني من التعب الشديد وفجأه علقت النار بإيديني وبديت اصارخ واصارخ مثل ماشفتوني .. وانا خايفه خايفه ياشيخ قال الشيخ استغفري ربك يابنتي وقومي توضئي وصلي ركعتين وان شاءالله خير _______ اختها حست ان فيه شي هالحلم ومن الصبح ارسلت ايميل ع احد مفسرين الاحلام وحلفته بالله انه يفسره لها بخيره وشره للضروره وبعد فتره ارسل لها المفسر وقال خلي اختج هي اللي تروي لي ع التلفون كلمته حصة وروت له اللي شافته وسألها عن شاللي تسويه وقالت له كل شي عنها قال لها فيه شي انتي تخفينه او تسوينه بالخفاء شنو هو ياحصة قالت فيه شي ياشيخ انا اسويه في احد المنتديات وبصراحه كانت وحده من صديقاتي دايما تنصحني منه بس انا احب هالشغله واحس اني ماهره فيها قال الشيخ شنو هالشغله قالت انا مشرفه ع قسم بأحد المواقع وهالقسم يختص بتلبية طلبات الاعضاء الخاصه بالاغاني وكنت ابدع فيه احول لهم الصيغ واسوي لهم مقاطع ومكسات وسوالف وايد قاطعها الشيخ وقالت استغفري وتوبي هذا كان تنبيه من الله لج الكيكه كانت عملج الغير صالح والقطع اللي ارهقتج هي صدقاتج بالذنب المشترك مع من قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه هو الذنب الجاري وكبره فـ شوفي كم شخص اعطيتيه طلبه وكم شخص سمعه معه وكم شخص نقله من منتداك الى منتدياتهم وكل هذا بسببك انتي تقول حصة انهرت وقلت شسوي ياشيخ قال توبي لله توبه نصوحه وتبرئي عن كل مافعلتيه بهذه المنتديات خصوصا مايخص الاغاني والمنكرات وسأل الله لي ولك الثبات وتوبي ياحصة توبي لانك ماتدرين متى الله ياخذ امانته والله يحسن خاتمتنا جميعا ولاتنسين يبعث المرء ع مامات عليه ياحصة يبعث المرء ع مامات عليه ياحصة ___________ طبعا حصة الحين تابت لكن تعاني من حاله نفسيه سيئه وتعالج وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات واطلب منكم تدعون لها ( لانها تهمني واايد ) ملاحظة :- حصة هي ( حصيص ) صديقتي المقربه وريم صديقتنا الاقرب واحب الناس لنا ودايما تنصحنا لكن الشيطان الملعون لاسيطر ع الواحد وع فكره الصديقه المقصودهـ اللي اعطتها حصة القطعه واحرقتها ورمتها هي ( اناملاك ) ومن يومها حرمت اشياء واايد ع نفسي وانتوا تعرفوا اصعب جهاد جهاد النفس انا كتبت لكم قصة صديقتي علشان العبره ولاني حابه الخير لكم والله يكفينا شر انفسنا والشيطان واللهم إنا نستغفر ونستهديك ونتوب إليك !! يا غفار الذنوب ويا ستار العيوب !! إغفر ذنوبنا وإستر عيوبنا وأدخلنا الجنة يا رب العالمين الهم اجرنا من النار 
للوجيه الطيبه قلت بعدي الجمايل ماتجي برد المثيل مايبين الخير بعيون البخيل وش يفيدك شلت والا ماتشيل مايزول الذل من قلب الذليل العملاق الحنون منور توقيعي
آخر تعديل أبو فهد يوم
2011-01-27 في 08:43 AM.
|
|
2010-08-28, 12:07 AM
|
#2 |
|
.:: اداري مساعد ::.
  
|
رد: كيكه زواجها من نآآآآر
لاحول ولا قوة إلا بالله
الله يكون في عون صديقتك لك التحية والتقدير،،، |
|
|
2011-01-27, 08:49 AM
|
#3 |
|
.:: عضو متميز ::.
|
رد: كيكه زواجها من نآآآآر
آمين على هذا الدعاء الطيب أجارنا وإياكم من النار وبالفعل يجب على الإنسان أن يتأكد مما ينقله فالفتاة كانت تنقل الأغاني وأتاها تحذير من رب العالمين وصديقتها نقلت لنا القصة للعبرة والعضة جزاها الله خيرا شكرا لكي يا مــــــ الكونــــــلاك على النقلة التوعوية وأتمنى أن لا ننحرم من مواضيعك الشيقة
|
|
|
|
2011-01-27, 09:05 AM
|
#4 |
|
عضو تميز
احساسي فيني شي مو حي
|
رد: كيكه زواجها من نآآآآر
يسلمو على المرور
اسعداني توجدكم لا عدامنكم الله لا يحرمنا منكم |
|
|
|
| مواقع النشر (المفضلة) |
|
جديد مواضيع قسم قصص , روايات
| |||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
المواضيع المتشابهه للموضوع: كيكه زواجها من نآآآآر
|
||||
| الموضوع | كاتب الموضوع | المنتدى | مشاركات | آخر مشاركة |
| مدمنة نت قررت تسوي كيكه !! | سعيد بودبوز | صور , غرائب الصور | 0 | 2010-10-03 03:50 AM |
| عروس ماتت في ليلة زواجها؟؟؟؟؟ | بنت الترف | قصص , روايات | 1 | 2010-08-06 07:32 AM |
| طلاق كيت والش نجمة غريز أناتومي بعد عام من زواجها | حنــآن | سعودي ون لجميع المواضيع | 0 | 2009-12-29 02:08 AM |
|
اهم كلمات البحث | |||||||
العرض العادي
